Ég hef frá því að ég var barn haft mjög gaman að því að lita og teikna og ákvað eftir að hafa verið eina önn á fatahönnunarbraut í Fjölbrautaskólanum í Garðabæ að skipta yfir á myndlistarbraut þar sem ég fann mig ekki í fatahönnuninni. Ég útskrifaðist því árið 2018 sem stúdent í myndlist úr FG og hef haft gífurlegan áhuga á að mála síðan ég byrjaði í því námi.
Verkin sem ég er að gera eru flest abstrakt verk máluð með akrýl á striga, ýmsar stærðir og gerðir. Ef þig langar að eiga verk í sama stíl og einhver myndanna hér inni, en vilt hafa ákveðna liti eða stærð geturðu haft samband með tölvupósti eða skilaboðum á facebook eða instagram. Hver veit nema ég geti uppfyllt ósk þína